تأمم عزبة مبارك السياحيه وترجع إلى مسماها الاول جمهورية مصر العربيه

أصوات الشعب تهتف بفرح غامر بنحبك يا طقطق (دلع أبو طاقيه)

أبو طاقية:- أرفع راسك يا اخى فقد انتهى عهد الاستحمار وفلحظه واحده كان الامن المركزى مالى المكان ومفيش ولا واحد من الشعب

ظابط امن الدوله: - بروح امك بقى يا ابو طاقيه عاملى فيها زعيم وعامل ثوره

ابو طاقيه:-يضحك بشده( ما حضرتك عارف أنى نايم وده حلم وأنا راجل مسلم ومؤمن بالحديث الشريف رفع القلم عن ثلاث من ضمنهم

النائم اللى هى حالتى دلوقتى

ظابط امن الدوله :ده فى الإسلام مش فى امن الدوله يا خفيف

ابو طاقيه :- خلاص يا باشا نرجعها سياحيه ولا تزعل نفسك

الظابط امن الدوله :- هى سياحيه غصب عنك مش بمزاجك

ابو طاقيه ولا تزعل نفسك بس انا عندى سؤال محيرنى حضرتك ظابط امن دوله فى الحقيقه مش فى الحلم يعنى الواحد المفروض

بينام عشان ينسى تعب الشغل ووجع الدماغ إنما انت شكلك بتحب شغلك

الظابط:- انا هجاوبك على السؤال ده بس جدعنه منى بناءا على توجيهات السيد الرئيس وتعليمات وزير الداخليه قد قرر السيد الرئيس

فتح فرع جديد لامن الدوله وأسمه امن الدوله احلام

ابو طاقيه :- ده زى كنتاكى لما يفتح فرع جديد ومؤمن والعامل دول

الظابط:- خلينا فى المهم انت متهم بمحاولة سرقت الحكم فى الاحلام ما هو قولك فى ما هو منسوب أليك

أبو طاقيه :- حصل يعنى هتعمكلوا فيا ايه انا ساعة ما هزهق منكم هصحى وخلاص

الظابط :- يضحك بشده وبسخريه وينطق بالحكم حكمنا عليك بناءا على تعليمات وتوجيهات السيد رئيس السياحيه بالأتى يحبس لمدة

خمس سنوات فى الحلم ولا يصحوا طوال تلك المده

ابو طاقية:- يضحك بشده ويقول لاء هصحى

الظابط:- براحتك بس انت هتتمنى متصحاش

يصحى ابو طاقيه يلاقى عشر ظباط امن دلوه مدججين بالسلاح وبيقولولوا إرجع لحلمك يا متنهم يغشى على أبو طاقيه من هول الموقف

كا ن معكم مراسلكم( ابو طاقيه )من امام سجن الأحلام عنبر تسعه مستشفى مبارك

للأمراض النفسيه والعصبيه العباسيه سابقا

elzaynabi

أبوطاقية

يوم الطالب العالمى

معكم من امام باب رئيسى جامعة القاهره مراسلكم المحبوب (أبو طاقيه) وكما لا ترون خلفى هوصفلكم انا الوضع عامل ازاى مئات من

اعضاء الحزب الوطنى المجمد والمحظور يقفون خلفى الأن ويهتفون ضد السيد الرئيس مهدى عاكف وضد نظامه الاخوانى وكان على راس

المنديين الاستاذ جمال مبارك وكان يرفع لافته مكتوب عليها افرجوا عن ابى والاستاذ علاء مبارك وولد وحرمه وكان الطفل محمد علاء

حسنى مبارك يرفع لافته أيضا مكتوب عليها جمله واحده لكن تقطع القلب نفسى أشوف جدو وحشتنى اوى يا جدو وقد ادلت السيده سوزان مبارك

بتصريح خاص للعبد لله

سوزان:- يعنى أيه يحبسوا جوزى ليه يتحبس عشان مربى دقنه وعشان بيصلى عشان رافض الهيمنه الامريكيه ووجود الدوله المزعومه

أسرائيل انا بقول للرئيس مهدى عاكف جوزى راجع يا عاكف وهنواصل الكفاح

وقد هتفت السيده الفاضله سوزان مبارك وهى تتقدم المظاهره هتاف خلع قلبى وقالت أبنى ف سور السجن وعلى عمر الخوف ما هيجرى فى دمى

كان معكم مراسلكم (أبو طاقيه) . كوكو الارض. أفريقيا .عزبه مهدى عاكف .عزبة مبارك سابقا. مصر سابقا .من امام عنبر تسعه مستشفى الامراض النفسيه والعصبيه العباسيه سابقا

elzaynabi

أبو طاقـــيــة

الأسباب الحقيقيه لإرتفاع الأسعار

طبعا كل الناس مخنوقه من زيادة الأسعار وانا كمان مخنوق منها مع انها مش فارقه معايا لأنى اتعودت عليها انا كان كل حلمى انى اجيب بنطلون وكل ما احوش نص الثمن الاسعار تبقى الضعف فرجع ابنى نفسى من جديد وهكذا لكن انا كنت قاعد فى البيت وكالعاده ابو علاء رنلى وانا اتصلت بيه وده نص الحوار اللى بينه وبينى

أبو علاء:طقطق اخبارك ايه يا خويا

طقطق:ملكش دعوه بأخبارى عايز ايه

أبوعلاء:انت شكلك زعلان منى عشان الحاجه اللى غليت صح

طقطق:ما انت عارف بتستهبل ليه بقى يا خفيف

ابو علاء: هههههههههههههههههههههههههههه

طقطق:بتضحك وامك تايهه

ابوعلاء :بلاش الهزار ده انا بتكلم من الاسبيكر والحاجه أم علاء قاعده جنبى بتنقى الرز تعلالى على البيت عايزك عشان افهمك

المهم روحتله على البيت وشوفوا بقى حظى الزفت الميكروباص اللى اركبه يطلع مين كمان راكبه علاء كان لسه راجع من الشغل ولقيته

بيتخانق مع السواق طلع ان علاء مش عاجبه ان الاجره زادت وقال كمان للسواق يعنى ابويا يطلع عنيكم وتطلعوا عليه انا المهم دفعتله

لان السواق كان ماسك فى ايده لافيه وكان هيضربه بيه ملحوظه أسال اى سواق معرفه يعنى ايه لافيه وهو يقولك لو مش عارف

روحت على البيت لقيت الحاج قاعد ولا شلب فى العشرين من عمره الصبغه مظبطه الليله روحت مميل عليه بالحبايه الزرقا بتاعت

كل مره عشان يفضل حافظ مركزه فى البيت المهم مطولش عليكم قولوا طول قالى ينفع يا طقطق يا خويا يطلعوا عليه نكت كده

قولتله حقهم يا عم ما انت مطلع عليهم البلا الازرق قالى انا غليت البنزين بسبب النكته بتاعت انى اتخطفت واللى خطفينى طالبين

فديه مليار دولار لإما هيولعوا فيه ببنزين فبينى وبينك قولت اغلى البنزين عشان يبطلوا يطلعوا عليه نكت انا لما فكرت فى الموضوع طلع

الراجل كان عنده حق بس ادعوا معايا ميعرفش النكته بتاعت الكوبرى لانه لو عرفها كلنا هنزعل بكتير قوى وهنزعل ونجيب ناس تزعل كمان

أبو طاقيه

elzaynabi

ال

القبض على رئيس الجمهوريه الزينبيه

انا هقولكم ازاى اتقبض عليه انا كنت فى الاعتصام اللى امام النائب العام للإفراج عن معتقلين الاضراب بتاع سته ابريل المهم انا كنت نايم

يومها من الساعه عشره بليل لحد الساعه تمانيه الصبح لانى كنت تعبان جدا ومنمتش من يومين صحيت عادى روحت القهوه غسلت وشى

وراح حسين ينام فى عربية حسام عشان النهار طلع ومش هيعرف ينام من الدبان وحسام نام جنبى وانا صاحى بتفرج على الدنيا بصيت

لقيت ظابط من ظباط امن الدوله جه جنبنا ومشى وهو عصبى وفضل يتصل بكام حد كده وبعدين خير اللهم اجعله خير جه بتاع خمسين

واحد من الناس التفصيل مش الجاهز زينا انا قولت اكيد هيقبضوا علينا فقولت لحسام يالا يا حسام يلا يا حبيبى معاد القبض جه يلا يا بابا

عشان نلحق يتقبض علينا بدرى . قام حسام جيت اتصل بدكتور مجدى قرقر ملحقتش لانهم كانوا ابتدوا يهجموا علينا يا نهار اسود

انا نسيت البس الجزمه الكلمه دى جت فى دماغى وانا متشال زى الباشا فقولت للاخ اللى شايلنى طب بعد اذنك اجيب الجزمه قالى اسكت

قولتله يا كابتن الجزمه يا اخ الجزمه الجزمه يا جزمه الجزمه يا ابن الجزمه خبطنى فى دهرى عرفت انهم ممكن يقلوا ادبهم مشيت معاهم

ساكت لكن وانا فى البوكس كنت باصص على الجزمه بتاعتى وهما بيلموا الحاجه حواليها وهى ايه اسد واقف فى وسطهم لا جريت ولا

حاولت حتى الهروب وجرى بينا البوكس على القسم ودى كانت اخر مره أشوف فيها جزمتى الحبيبه الجزمه زى الزوجه لإما تكون حبيبتك

وروحك ومتعرفش تتحرك من غيرها او لقدر الله تكون بتعمل كالو ومتعرفش تحرك خطوتين غير لما تسبلها وانا جزمتى كانت ونعم

الزوجه قصدى ونعم جوز الجزم كان جلد طبيعيى وكانت يا عينى عليها الله يرحمها فيها قطع فى النعل بس كان زى العسل أقولكم ايه ولا ايه

دى الله يرحمها كانت بترضى انى المعها فى البيت واوقات كتير كنت انزلها من غير تلميع ولا عمرها قالتلى مقدرش انزل كده ولا عمرها

اشتكت منى لكن انا بقول لجزمتى متخافيش ولا عمرك تحزنى على الفراق وربنا يجمعنا على بعض ان شاء الله فى مصنع واحد

عجبى

عجبى على شعب كان زمان رجال

عجبى على شعب الجبن اصبح نضال

يا مصرى ليه نخيت انت زمان صياح

ياترى ده جبن منك ولا زمنك ولا وراح

كنا زمان رجال لا نهاب ولا نخاف

دلوقتى الله أعلم لسه رجال ولا بقينا خراف

كان نفسى اكون رجال على الحق قوى متين

بس الخير اما شافك يا جيمى جرى وسب الدين

الدين هو ديون مصر وليس الدين أى المله

خلاص

خــلاص ملــيــش نفس اكـتـب ولا اتـكلـم