عجبى

عجبى على شعب كان زمان رجال

عجبى على شعب الجبن اصبح نضال

يا مصرى ليه نخيت انت زمان صياح

ياترى ده جبن منك ولا زمنك ولا وراح

كنا زمان رجال لا نهاب ولا نخاف

دلوقتى الله أعلم لسه رجال ولا بقينا خراف

كان نفسى اكون رجال على الحق قوى متين

بس الخير اما شافك يا جيمى جرى وسب الدين

الدين هو ديون مصر وليس الدين أى المله

خلاص

خــلاص ملــيــش نفس اكـتـب ولا اتـكلـم

فكروا معايا كده شويه معلش بس فكر شويه مش هتخس يا عم فكر لو جمال مبارك نزل

من القصر الجمهورى وحب ان يروح السيده عائشه مواصلات لوحده من غير لا حراسه

ولا اى افشخانات من الهبل ده ومن غير ما يسئل حد فى الطريقتفتكر هيعرف يوصللوحده

كده. معتقدتش ..تخيل رئيس بلدك القادم ميعرفش يروح السيده عايشه

لوحده .......يبقى هيحس بالناس اللى ساكنين هناك أزاى بس يا جدعان

كان معكم مراسلكم (أبوطاقيه) كوكو الأرض عزبة مبارك. مصر سابقا من داخل مستشفى

مبارك للأمراض النفسيه والعصبيه العباسيه سابقا عنبر تسعه ورا أوضة الكهربا بعد

أبو أشرف بتاع الكبده

أبوطاقيه

elzaynabi

خد بالك معايا شويه ركز قوى لاء ركز أكتر أيوه كده بس بلاش الجعصه دى أيوه أعدل

نفسك كده تمام تخيل مثلا لقدر الله أنك ماشى فى وسط البلد والناس الوحشين بتوع

المظاهرات كالعاده عاملين مظاهره وانت معدى جنبهم الأمن قبض عليك وأنت ملكش فى

الحوار من أصله ولا ليك فى البطيخ جه الظابط وقالك إنت ياض يا أبن كذا شيوعى من أمتى

رحت أنت قايله حضرتك أنا مش شيوعى ولا أعرف حد شيوعى وكمان حضرتك أنا

بصلى" بص الظابط ورد عليك وقالك يبقى أنت أخوانجى طبعا أنت هتنكر وتقول لايا باشا

ده أنا حتى مش بصلى قوى يعنى بصلى يوم وأبطل عشره أوعى تفتكر أن الظابط هيسيبك

كده بسهوله أنت بتحلم الظابط هيقولك يعنى أنت لا شيوعى ولا أخوان يبقى أنت ...ليبرالى

طبعا انت هتقوله طب بس الأول أعرف يعنى أيه ليبرالى هيرد عليك ويقولك بطل أستعباط

ياروح أمك يعنى مش عارف يعنى أيه ليبرالى أنا هقولك يعنى أيه ليبرالى من عينى أنا هنا

فى خدمة الشعب ...ليبرالى دى أختصار لكلمتين الأولى كلمة (لب) وطبعا مقصود بيها قسم

الشعب لجزئين زى اللبه ما بتنقسم فى بقك ودى أستعاره مكنيه للإنقسام أما (رالى ) فهى أسم

العجله الرالى اللى انت طبعا عارفها والكلمه دى ليها معنيين الأول سرعة العجله الرالى

والتانى أن ملهاش صوت أما الكلمه التانيه المقصود بيها أنها بتمشى فى أماكن ضيقه جدا

يعنى اختراق الحوارى والمناطق الشعبيه ...... قولى بقى يا نجم هتفك أزاى من الموقف

ده ..الحل فى الطاقيه الجايه أن عيشنا وبقالنا عمر ومنزلتش وسط البلد وهو فيه مظاهرات

كان معكم مراسلكم أبو طاقيه .المجموعه الشمسيه .كوكو الأرض .أفريقيا.عزبة مبارك

وعياله(مصر سابقا )من داخل عنبر تسعه ورا اوضة الكهربا(بعد أبو أشرف بتاع الكبده)

أنا شايف أن الكلام كتر قوى على مين اللى هيمسك الحكم بعد عمر طويـل جدا للسيد

الرئيس مبارك أطال الله عمره لحد مايجيله تبول لا إرادى

" أنا بقى عندى أقتراح أحنا نريح دماغنا خالص ولا نخليها مملكه ولا نخليها جمهوريه أحنا نمشيها سياحيه والحكم يبقى (شيفتات) ورديات


يعنى من 8الصبح لحد الساعه 4 العصر دى ورديه ومن 4العصر لحد الساعه 12بليل ومن ساعه 8الصبح فسحه كل واحد صاحى يحكم

شويه كان معكم مراسلكم أبو طاقيه .كوكو الأرض.أفريقيا.عزبة مبارك(مصر سابقا) مستشفى مبارك للأمراض النفسيه والعصبيه

( أبو أشرف بتاع الكبده العباسيه سابقا) عنبر تسعه ورا أوضه الكهربا بعد

حصلت خناقه حريمى جامده قوى الخناقه كانت بين أم جمال بالتى شيرت الأحمر والشورت

الأبيض وبين أم سيف بالتى شيرت الأخضر والشورت الأخضر والمشكله كلها بسبب لعب

العيال على السور اللى بين بيت أم جمال وبين بيت أم سيف أم سيف:-يا أم جمال إنتى ياوليه

يالى أسمك أم جمال .إنتى يامره يا بارده ياللى مبتكلوش غير فول أم جمال :-جرى أيه

يامرات العبيط اللى مضيع فلوسكم كلها على جيرانكم الفقرا وعامل فيها كبير الشارع

وسايبكم من غير أكل ياللى جوزك معفن وحتى بيكسل يحلق البخيل الإيحه أم سيف:- أنا

جوزى معفن ياللى جوزك مجوع عياله .ده يامره يا واطيه نص عيالكم شغالين عندنا ومن

غيرنا كانوا ماتوا من الجوع أم جمال:-يلا ياوليه ياللى بتوع بلاد بره جم جابوا لعيالكم

الإيدز وضحكوا عليكم وهربوا ما أنتى لو كنتى نضيفه وبتحمى العيال مكنش جرى اللى

جرى أم سيف :-الدور والباقى على جوزك اللى مصاحب اليهود وجايبهم كل يوم فى البيت

وأوقات بيجوا وهو مش موجود كمانأم جمال :- إخرسى قطع لسانك وليه قليلة الربايه يختى

الدور والباقى على جوزك اللى لبسوه تمن الطياره ولسه بيدفع لحد دلوقتى ولسه عليه

كمبيالات وهيحبسوه بيها أن شاء الله أم سيف:- طب والنبى ومن نبى النبى نبى ما أنتم

شايفين بيتنا تانى ولا عيالكم شغالين عندنا تانى ،واد يا سيف انت يا منيل على عينك أجرى

انده أبوك من على القهوه ودى كانت الأسباب الحقيقيه لطرد العماله المصريه من ليبيا

(يعملوها النسوان ويقع فيها العمال )