أصوات الشعب تهتف بفرح غامر بنحبك يا طقطق (دلع أبو طاقيه)
أبو طاقية:- أرفع راسك يا اخى فقد انتهى عهد الاستحمار وفلحظه واحده كان الامن المركزى مالى المكان ومفيش ولا واحد من الشعب
ظابط امن الدوله: - بروح امك بقى يا ابو طاقيه عاملى فيها زعيم وعامل ثوره
ابو طاقيه:-يضحك بشده( ما حضرتك عارف أنى نايم وده حلم وأنا راجل مسلم ومؤمن بالحديث الشريف رفع القلم عن ثلاث من ضمنهم
النائم اللى هى حالتى دلوقتى
ظابط امن الدوله :ده فى الإسلام مش فى امن الدوله يا خفيف
ابو طاقيه :- خلاص يا باشا نرجعها سياحيه ولا تزعل نفسك
الظابط امن الدوله :- هى سياحيه غصب عنك مش بمزاجك
ابو طاقيه ولا تزعل نفسك بس انا عندى سؤال محيرنى حضرتك ظابط امن دوله فى الحقيقه مش فى الحلم يعنى الواحد المفروض
بينام عشان ينسى تعب الشغل ووجع الدماغ إنما انت شكلك بتحب شغلك
الظابط:- انا هجاوبك على السؤال ده بس جدعنه منى بناءا على توجيهات السيد الرئيس وتعليمات وزير الداخليه قد قرر السيد الرئيس
فتح فرع جديد لامن الدوله وأسمه امن الدوله احلام
ابو طاقيه :- ده زى كنتاكى لما يفتح فرع جديد ومؤمن والعامل دول
الظابط:- خلينا فى المهم انت متهم بمحاولة سرقت الحكم فى الاحلام ما هو قولك فى ما هو منسوب أليك
أبو طاقيه :- حصل يعنى هتعمكلوا فيا ايه انا ساعة ما هزهق منكم هصحى وخلاص
الظابط :- يضحك بشده وبسخريه وينطق بالحكم حكمنا عليك بناءا على تعليمات وتوجيهات السيد رئيس السياحيه بالأتى يحبس لمدة
خمس سنوات فى الحلم ولا يصحوا طوال تلك المده
ابو طاقية:- يضحك بشده ويقول لاء هصحى
الظابط:- براحتك بس انت هتتمنى متصحاش
يصحى ابو طاقيه يلاقى عشر ظباط امن دلوه مدججين بالسلاح وبيقولولوا إرجع لحلمك يا متنهم يغشى على أبو طاقيه من هول الموقف
كا ن معكم مراسلكم( ابو طاقيه )من امام سجن الأحلام عنبر تسعه مستشفى مبارك
للأمراض النفسيه والعصبيه العباسيه سابقا
elzaynabi
أبوطاقية
2 comments:
جامدة يا بوطاقية
بس ليا طلب غير اللون بتاع الخلفية عشان عينيا وجعتنى
اسمع يابو طاقيه انت
انت تشي الصور الي في الجنب دي والا انت عارف
القوه التنفيذيه المصريه جاهزه للردع على الفور ووقتها حتى الشعرتين الي طالعين ليك في دماغك كده عشان العين هقلعهم من جدورهم
وقد اعذر من انذر
دي توجيهات مني انا صاحب السمو والعظمه المبجل عبدالرحمن بيك فارس
يعني تقول حاضر وتنفذ فورا
معاك الرب
Post a Comment